Ministria e jashtme e Rusisë tha se sanksionet e reja shtesë të Bashkimit Evropian kundër Rusisë lidhur me rolin e saj në krizën në Ukrainë, e rrezikojnë bashkëpunimin në çështjet e sigurisë.
“Lista e sanksioneve shtesë është dëshmi direkte se vendet e BE-së e kanë krijuar kursin e ndaljes së plotë të bashkëpunimit me Rusinë, lidhur me çështjet e sigurisë ndërkombëtare dhe rajonale”, thuhet në kumtesën e Moskës.
Sot në orët e para të mëngjesit, Bashkimi Evropian i ka shpallur sanksionet e reja, në të cilat përfshihen 15 individë dhe 18 entitete.
Tash në listën e përgjithshme të sanksioneve të Bashkimit Evropian, gjenden 87 individë dhe 20 entitete në Ukrainë dhe Rusi.