Ndërlidhjet

Obama dhe liderët evropianë biseduan për Ukrainën


Barack Obama (majtas në plan të parë) Angela Merkel dhe Francois Hollande (në mes) gjatë një takimi të mëparshëm
Barack Obama (majtas në plan të parë) Angela Merkel dhe Francois Hollande (në mes) gjatë një takimi të mëparshëm

Presidenti i Shteteve të Bashkuara, Barack Obama, dhe liderët evropian kanë folur sot së bashku me telefon lidhur me hapat e ardhshëm për krizën në Ukrainë.

Shtëpia e Bardhë ka njoftuar se zoti Obama ka biseduar me kancelaren e Gjermanisë, Angela Merkel, me presidentin francez, Francois Hollande, kryeministrin britanik, David Cameron, dhe kryeministrin italian, Matteo Renzi.

Kjo bisedë e përbashkët telefonmike u bë derisa Shtetet e Bashkuara dhe Bashkimi Evropian po i shqyrtojnë mundësitë e sanksioneve më të ashpra kundër Rusisë, për shkak të krizës lidhur me rrëzimin e aeroplanit të udhëtarëve të Malajzisë (MH17), më 17 korrik, në pjesën lindore të Ukrainës.

Perëndimi i akuzon separatistët në pjesën lindore të Ukrainës se e kanë goditur dhe rrëzuar aeroplanin dhe e fajësojnë Rusinë për furnizimin e kryengritësve me pajisje, që u mundësojnë ta bëjnë një gjë të tillë.

Këtë javë priten sanksionet më të ashpra të Shteteve të Bashkuara.

Bashkimi Evropian, poashtu, javën e kaluar, e ka arritur marrëveshjen paraprake për sanksione shtesë.

XS
SM
MD
LG