Së paku pesë kamionë nga një konvoj humanitar i Rusisë, që në mënyrë të njëanshme ka hyrë dje në pjesën lindore të Ukrainës, kanë arritur në vendkalimin kufitar, në rrugën e tyre të kthimit për në Rusi.
Paul Picard, nga grupi monitorues i Organizatës për Siguri dhe Bashkëpunim në Evropë (OSBE), në vendkalimin kufitar Donjeck – Izvarine, tha se disa kamionë sot e kaluan kufirin, ndërsa të tjerët mund të shihen duke iu afruar vendkalimit, që çon në Rusi.
Konvoji me afro 220 kamionë ka hyrë në Ukrainë pa lejen e qeverisë së Ukrainës dhe pa u shoqëruar nga zyrtarët e Kryqit të Kuq, sipas një marrëveshjeje të arritur më parë.
Zyrtarët e lartë ukrainas në Kiev thanë se hyrja e kamionëve pa leje në Ukrainë paraqet “invadim”.