Rusia ka njoftuar se ekziston mundësia që bisedimet globale rreth programit bërthamor të Iranit të shkojnë drejt heqjes së sanksioneve të OKB-së të vendosura ndaj Teheranit.
Deklarata është bërë një ditë para se ministri i jashtëm iranian, Mohammad Javad Zarif, të vizitoj Rusinë, përkrahësi më i fuqishëm i Teheranit në Këshillin e Sigurimit të OKB-së.
Irani dhe gjashtë fuqitë e botës, përfshirë Rusinë, janë në kërkim të marrëveshjes përmes së cilës Teherani do të ulte intensitetin e programit të saj bërthamor, ndërsa më pas sanksionet do të hiqeshin.
Rusia dhe Irani janë gjithashtu duke e negociuar një marrëveshje multi miliardëshe për të tregtuar naftën iraniane për mallrat ruse dhe teknologjinë.
Negocitata për këtë kontratë do të fillojnë në Teheran më 9 shtator.
