Presidenti ukrainas Petro Poroshenko, sot do të vizitojë Uashingtonin, ku ai do t'i drejtohet Kongresit dhe do të takohet me Presidentin amerikan Barack Obama.
Poroshenko po bën vizitën e tij të parë në Uashington si president i Ukrainës dhe shpreson që të bind qeverinë amerikane për të ofruar ndihmë të mëtejshme për vendin e tij.
Shtetet e Bashkuara kanë qenë përkrahës i qeverisë së Ukrainës në luftën e saj me separatistët pro-ruse në Ukrainën lindore.
Shtetet e Bashkuara, së bashku me Bashkimin Evropian dhe të tjerët, kanë imponuar një seri sanksionesh ndaj Rusisë për ndërhyrjen e saj në Ukrainë.
Vizita e Poroshenko’s në SHBA, vjen pas vizitës së tij në Kanada, ku është takuar me Kryeministrin Stephan Harper, nga i cili ka marrë përkrahje se do të vazhdojnë të mbështesin dhe qeverinë e Ukrainës.
Harper, i ka thënë Poroshenko’s se Kanada nuk do të njohë aneksinë e Rusisë ndaj Krimesë, apo të ndonjë pjesë tjetër të Ukrainës.