Legjislacioni për autorizimin e ndihmës ushtarake për Ukrainën dhe për më tepër sanksione kundër Rusisë, njëzëri ka kaluar në Komitetin për Marrëdhënie të Jashtme të Senatit të Shteteve të Bashkuara.
Ky legjislacion, i quajtur Akti Mbështetës për Lirinë e Ukrainës, i paraqitur nga senatori demokrat, Robert Menendez, dhe ai republikan, Bob Corker, mbrëmë vonë, është miratuar me 18 vota për dhe asnjë kundër.
Nuk është e qartë se kur do të votohet për këtë legjislacion në Senatin e plotë, pasi dje ishte dita e fundit e punës, deri në muajin nëntor.
Legjislacioni Menendez – Corker i autorizon 350 milionë dollarë ndihmë ushtarake, përfshirë edhe ndonjë formë të pajisjeve vdekjeprurëse.