Shefat e shtabeve të përgjithshme të vendeve anëtare të NATO-s janë mbledhur në Vilnius të Lituanisë për të diskutuar rreth sigurisë rajonale, si dhe për rishikimin e marrëdhënieve me Rusinë.
“Njëra prej temave kryesore të takimit të sotëm do të jetë raporti i ardhshëm me Rusinë”, ka thënë gjenerali danez, Knud Bartels, shef i komitetit ushtarak të NATO-s.
NATO-ja, pas shpërthimit të krizës në Ukrainë, ka ngrirë raportet me Rusinë, pos në nivel ambasadorësh, për shkak të mbështetjes që u jep Moska forcave separatiste.
