Komisioni i Pavarur i Zgjedhjeve në Afganistan ka emëruar zyrtarisht ish-ministrin e Financave, Ashraf Ghani, si president të ri të Afganistanit.
Njoftimi është bërë disa orë pasi Ghani dhe rivali i tij, Abdullah Abdullah, kanë nënshkruar marrëveshjen për ndarje të pushtetit.
Kjo marrëveshje ka paraparë që Ghani të bëhet president, ndërsa Abdullah shef ekzekutiv.
Marrëveshja i ka dhënë fund kontestimit disamujor të rezultatit të zgjedhjeve të qershorit.