Autoritetet ruse, thonë se kanë nisur hetimet ndaj Ministrit të Mbrojtjës së Ukrainës, dhe disa zyrtarëve të lartë shtetëror.
Zëdhënësi i Këshillit rus për Hulumtime, Vladimir Markin, ka thënë sot se, udhëheqësi i ushtrisë, Ministri i Mbrojtjes së Ukrainës Valeriy Heletey dhe Gjenerali Viktor Muzhenko, do të ballafaqohen me akuza për krime lufte dhe gjenocid.
Më 29 shtator, Rusia ka akuzuar udhëheqësit e lartë ukrainas, se kanë bërë ‘gjenocid’ ndaj banorëve rusisht-folës në Ukrainë.
Në anën tjetër, autoritetet ukrainase kanë shpërfillur akuzat ruse, dhe vet ata kanë hapur akuzë penale ndaj zyrtarëve rusë.
Forcat ukrainase dhe separatistët pro-rusë, tash 6 muaj janë duke luftuar në Ukrainën lindore, nga i cili konflikt kanë vdekur më shumë se 3 mijë njerëz, dhe qindra të tjerë kanë ikur nga shtëpitë e tyre.
