Sekretari i përgjithshëm i Kombeve të Bashkuara, Ban Ki-moon, ka thënë se po përgatit hetime të sulmeve ndaj objekteve të OKB-së, gjatë ofensivës së fundit të Izraelit në Rripin e Gazës.
Ai ka thënë se ekipi i pavarur i hetimeve do të shikojë rastet më të rënda, në të cilat janë vrarë njerëz të pafajshëm.
Ban po ashtu ka thënë se do të analizojë përdorimin e objekteve të OKB-së nga militantët e Hamasit.
Konflikti 50 ditësh gjatë muajve të verës ka lënë mbi 2,100 palestinezë të vrarë, ashtu si edhe 73 izraelitë.
OKB ka thënë se shumica e të vrarëve palestinezë kanë qenë civilë.