Facebook-u dhe media të tjera sociale janë bllokuar pjesërisht në Taxhikistan, për herë të tretë këtë muaj.
Përdoruesit e internetit kanë thënë se Facebook-u, si dhe portali lokal i lajmeve Topnews.tj dhe rrjeti social rus VKontakte, nuk kanë qenë të arritshëm më 30 tetor.
Arsyeja e bllokadës nuk është e qartë.
Në ditët e fundit, autoritetet taxhike kanë bllokuar kohë pas kohe qasjen në ueb-faqet e lajmeve dhe të mediave sociale, përfshirë shërbimin taxhik të Radios Evropa e Lirë, por më vonë i kanë zhbllokuar ato.
Shërbimi për Komunikime i Taxhikistanit ka thënë se nuk ka urdhëruar ndonjë bllokadë.