Protestuesit janë mbledhur për të dytën ditë me radhë në kryeqytetin e Burkina Fasos, për të kërkuar dorëheqjen e menjëhershme të presidentit Blaise Compaore.
Figurat opozitare kanë përdorur mediat sociale gjatë gjithë natës për të thirrur protesta të reja.
Compaore ka refuzuar të japë dorëheqje, me gjithë protestat e dhunshme që janë zhvilluar të enjten.
Protestuesit kanë sulmuar dje ndërtesën e parlamentit, duke vënë në flakë disa pjesë të saj.
Ata kanë thënë se duan të ndalojnë votimin parlamentar, që do t’i mundësonte presidentit Compaore të garojë për mandatin e pestë.
Opozita ka thënë se rreth 30 njerëz janë vrarë në përleshjet me policinë, por shifrat nuk janë konfirmuar në mënyrë të pavarur.
Compaore është në pushtet qysh në vitin 1987.