Ndërlidhjet

Ka gjasë që bisedimet me Iranin të shtyhen për vitin e ardhshëm


Pallati Coburg në Vjenë ku po mbahen bisedimet për programin atomik të Iranit
Pallati Coburg në Vjenë ku po mbahen bisedimet për programin atomik të Iranit

Një diplomat perëndimor thotë se bisedimet për porgramin atomik të Iranit, me gjasë do të zgjaten deri më 1 korrik të vitit 2015.

Agjencia Reuters raporton se ky diplomat në Vjenë i ka bërë këto komente disa orë para kalimit të afatit të përcaktuar nga të dy palët, sonte në mesnatë, për arritjen e marrëveshjes për ndaljen e programit bërthamor iranian, në këmbim për tërheqjen e sanksioneve perëndimore, që e kanë dëmtuar ekonominë e Iranit.

Diplomati, po ashtu, tha se Irani dhe gjashtë fuqitë botërore, që po zhvillojnë negociata me Teheranin për mbylljen e këtij mospajtimi 12 vjeçar, do të synojnë arritjen e marrëveshjes në muajin mars.

Më herët diplomatët janë cituar duke thënë se takimet në Vjenë, që filluan javën e kaluar në Vjenë, me gjasë do të mbyllen sot pa marrëveshje dhe do të vazhdojnë në dhjetor.

Një takim i pasditës ndërmjet ministrave të jashtëm të Iranit dhe gjashtë ministrave të jashtëm të Shteteve të Bashkuara, Rusisë, Kinës, Britanisë, Francës dhe Gjermanisë, ka zgjatur afro 90 minuta.

XS
SM
MD
LG