Pasi e dha betimin në parlament, presidenti i ri i Rumanisë, Klaus Iohannis, sot zyrtarisht e ka marrë këtë detyrë.
Ai ka premtuar se do të jetë “president i të gjithë rumunëve” dhe se nevojiten ndryshime të klasës politike, të institucioneve shtetërore dhe të mënyrës së funksionimit të shtetit.
Mëtutje ai theksoi:
“Në fund të mandatit tim dëshiroj që populli të shohë se ne kemi bërë ligje të qëndrueshme, institucione solide. Dëshiroj që Rumania të bëhet më e fortë dhe më e bashkuar”.
Iohannis tha se njëri nga prioritetet e tij do të jetë lufta kundër korrupsionit.
“Është e nevojshme që e gjithë klasa politike ta kuptoj se nuk ka tjetër mënyrë për Rumaninë, pos asaj që vendi të jetë i çliruar nga korrupsioni”, tha Klaus Iohannis, gjatë ceremonisë së inaguruimit presidencial në Parlamentin e Rumanisë në Bukuresht.