Studioja filmike Sony Pictures do të shpërndajë filmin “The Interview” online.
Filmi do të ofrohet nga seetheinterview.com, si dhe përmes Google dhe Microsoft.
Javën e kaluar, Sony ka anuluar shfaqjen e filmit, i cili flet për vrasjen fiktive të liderit verikorean, Kim Jong-un, për shkak të një sulmi shkatërrues kibernetik.
Ky veprim është kritikuar nga presidenti i Shteteve të Bashkuara, Barack Obama.
Të martën, Sony ka autorizuar disa kinema amerikane që të shfaqin filmin.
Marrja me qira e filmit do të kushtojë 5.99 dollarë, ndërsa blerja 14.99.