Presidenti i Shteteve të Bashkuara, Barack Obama, ka arritur në Nju Delhi për një vizitë dyditore.
Ai do të bisedojë sot me kryeministrin e Indisë, Narendra Modi, dhe do të vendosë një kurorë me lule në memorialin e Mahatma Ghandit.
Është planifikuar që me zyrtarët indianë, Obama të diskutojë për një mori çështjesh, nisur nga tregtia deri te siguria ndërkombëtare dhe lufta kundër terrorizmit.
Më 27 janar, Obama do të udhëtojë drejt Arabisë Saudite, për të shprehur ngushëllime për vdekjen e Mbretit Abdullah.
