Ndërlidhjet

Irani emëron ambasador të ri në OKB


Selia e OKB-së në Nju Jork.
Selia e OKB-së në Nju Jork.

Irani ka emëruar diplomatin Gholamali Khosroo për ambasador të ri në Kombet e Bashkuara.

Khosroo aktualisht shërben si ambasador i Iranit në Zvicër.

Emërimi vjen dhjetë muaj pasi Shtetet e Bashkuara, ku ndodhet selia e OKB-së, kanë refuzuar t’i japin vizë kandidatit të parë të Teheranit, Hamid Abutalebi.

Uashingtoni ka thënë në muajin prill se Abutalebi nuk është zgjidhje e duhur për shkak të rolit të tij të dyshuar në pengmarrjen e diplomatëve amerikanë në Teheran, pas Revolucionit Islamik më 1979.

Abutalebi ka thënë se ka shërbyer vetëm si përkthyes për pengmarrësit, të cilët kanë mbajtur peng 52 amerikanë për 444 ditë.

XS
SM
MD
LG