Zyrtarët e sigurisë së Afganistanit kanë thënë se një operacion që ka pasur si qëllim lirimin e një grupip të civilëve të kidnapuar në pjesën jugore të Afganistanit është ende duke vazhduar pasi dje ka arritur të vrasë dhjetëra militantë.
Deri më tash, forcat e sigurisë megjithatë nuk kanë arritur të lirojnë pengjet.
Persona të maskuar dhe të armatosur patën kidnapuar muajin e kaluar 30 pasagjerë nga dy autobusë në krahinën jugore të Zabulit.
Shumica e të kidnapuarve i përkrasin minoritetit etnik Hazara, një grup që është persekutuar nga regjimi i dikurshëm i talibanëve pashtun.
Sipas ushtrisë afgane, shumica e 50 militantëve të vrarë në këtë operacion janë luftetarë të huaj.
Talibanët deri më tash nuk e kanë marrë përgjegjësinë për kidnapimin e këtij grupi të njerëzve.