Separatistët pro-rusë në rajonin lindor të Donjeckut thonë se një anëtar i trupit të tyre legjislativ është vrarë.
Andrei Purgin, anëtar i lartë i legjislaturës separatiste në Republikën e vetëshpallur të Popullit të Donjeckut, tha më 27 mars se Roman Voznik dhe një ndihmës u vranë në Donjeck.
Voznik gjithashtu ishte edhe komandanti i një batalioni rebel të quajtur Mirazh.
Një tjetër lider separatist, Aleksandr Kofman,tha se të dy burrat u qëlluan për vdekje rreth 23 të enjten.
Purgin tha se është "shumë herët për konkluzione" se kush ka mundur t'i vrasë.
Më shumë se 6 mijë persona janë vrarë që nga muaji prill i vitit 2014, kur filloi konflikti midis forcave qeveritare dhe rebelëve në Ukrainë.
Luftimet janë lehtësuar pas nënshkrimit të një marrëveshjeje të nënshkruar në muajin shkurt të këtij viti.
