Shefja e BE-së për politikë të jashtme, Federica Mogherini e ka shtyrë vizitën e saj në Ukrainë të planifikuar për datën 30 mars, pasi të njëjten gjë e ka bërë edhe presidenti i Komisionit Evropian, Jean Claude Juncker.
Zyra e presidentit ukrainas, Petro Poroshenko ka thënë se Juncker i ka thënë Poroshenkos se ai po e shtyn vizitën për arsye shëndetësore.
Zëdhënsja e Juncker, Margaritis Schinas, ka shkruar në profilin e saj në ‘Tëitter’, se shtyerja e vizitës ka të bëj me një trajtim të vogël të gurëve në veshkë.
Një zyrtar i BE-së ka thënë se as Mogherini nuk do të shkojë në Kiev.
Të dy zyrtarët evropianë pritej të shprehnin përkrahjen e tyre për qeverinë pro perëndimore të Ukrainës e cila po përballet me kryengritjen e rebelëve pro rusë në lindje të vendit dhe me problem ekonomike.