Kryeministri i Rusisë, Dmitry Medvedev, ka thënë se ekonomia ruse ka humbur rreth 25 miliardë euro si rezultat i sanksioneve të Perëndimit dhe se humbjet mund të jenë “disa herë më të larta” këtë vit.
Duke folur para Parlamentit rus, Medvedev ka thënë se bruto prodhimi i brendshëm ka rënë për 2 për qund në çerekun e parë të vitit 2015.
Ekonomia ruse është goditur rëndë nga rënia e çmimeve të naftës dhe sanksionet që ka ndërmarrë Perëndimi për shkak të ndërhyrjes së Moskës në krizën në Ukrainë.
Medvedev ka thënë se humbjet e Rusisë nga sanksionet janë “të konsiderueshme”.