Policia në Pakistan ka bërë të ditur se djali i presidentit të këtij vendi i ka shpëtuar një sulmi me bombë, që ka vrarë tre njerëz dhe plagosur 15 të tjerë.
Sulmi ka ndodhur të dielën vonë në provincën e trazuar të Pakistanit, Baluçistan.
Zyrtari policor, Ghulam Rasool, ka thënë se bomba e vendosur në një motoçikletë dhe e shpërthyer me telekomandë, ka eksploduar në zonën industriale Hub, derisa makina që bartte Suleman Mamnoon Hussainin ka kaluar andej.
Resul ka thënë se të vdekurit dhe shumica e të plagosurve janë kalimtarë dhe disa policë që kanë shoqëruar Hussainin.
Presidenti i Pakistanit, Mamnoon Hussain, ka marrë detyrën në shtator të vitit 2013.
Përgjegjësinë për sulmin nuk e ka marrë ende asnjë grup.
