Ndërlidhjet

Sulmuesi në Francë ishte i motivuar nga IS-i


Policia franceze duke shoqëruar Yassin Salhin.
Policia franceze duke shoqëruar Yassin Salhin.

Prokurorët francezë kanë thënë se ka lidhje midis grupit ekstremist të Shtetit Islamik (IS) dhe personit të dyshuar për vrasjen e shefit të tij me prerje koke dhe për përpjekje për të hedhur në erë një fabrikë gazi, në juglindje të Francës.

Yassin Salhi është arrestuar të premten në fabrikën e prodhimeve ajrore në qytetin Saint-Quentin-Fallavier, ku edhe ka punuar.

Ai ka thënë se shkak për veprimet e tij ka qenë një mosmarrëveshje në punë.

Por, prokurori Francois Molins ka thënë sot se ka prova që flasin për motive terroriste.

Koka e shefit të vrarë të fabrikës është gjetur e mbështjellë me flamur islamik.

“Yassin Salhi i ka prerë kokën viktimës së tij dhe e ka vendosur mbi një gardh, duke dashur të kërkojë vëmendje maksimale për veprimet e tij. Kjo përkon shumë ngushtë me udhëzimet e lëshuara nga IS-i, i cili rregullisht bën thirrje për sulme terroriste në territorin e Francës dhe për vrasje të jobesimtarëve në veçanti”, ka thënë prokurori Molins.

XS
SM
MD
LG