Demokratët në Senatin amerikanë kanë mbledhur edhe 34 votat për të cilat ata kanë nevojë për të mbajtur marrëveshjen bërthamore të Iranit gjallë në Kongres, duke i dhënë presidentit Barack Obama një fitore të madhe në politikën e jashtme.
Senatorja Barbara Mikulski u bë vota vendimtare më 2 shtator, duke deklaruar se marrëveshja është mënyra më e mirë për të frenuar aktivitetet bërthamore të Iranit.
Kongresi do të votojë më vonë këtë muaj në një rezolutë, e cila është kundërshtuar në mënyrë unanime nga republikanët, të cilët e quajnë atë një dhuratë të rrezikshme për Iranin.
Obama ka premtuar se do të vë veto mbi rezolutën, nëse ajo kalon.
Marrëveshja - e nënshkruar nga Irani, Shtetet e Bashkuara dhe pesë fuqitë e tjera botërore - kufizon programin bërthamor të Iranit në këmbim të qindra miliarda dollarë, si lehtësim ndaj sanksioneve.
Në korrik, Këshilli i Sigurimit i OKB-së miratoi unanimisht marrëveshjen bërthamore, duke miratuar një rezolutë që do të heqë sanksionet ndërkombëtare ndaj Iranit në 90 ditë.