Propaganda mediale e të ashtuquajturit Shtet Islamik (IS) tani ka për qëllim të dëshmojë se "është një komb i vërtetë, e jo një vend që glorifikon aktet e dhunës, tregon një studim i bërë", raporton BBC.
Ky studim, i realizuar nga Fondacioni Quilliam, i cili merret me çështje sigurie, tregon se IS-i ka për qëllim ta paraqesë veten si një vend i zbatimit të ligjit dhe funksionimit të një shtetit transitor.
Ekipi i mediave të IS-it, ka prodhuar rreth 900 materiale mediatike, për një muaj, tregon studimi.
Më shumë se gjysma e këtyre materialeve trajtonin tema nga jeta e përditshme e qytetarëve.
Këto materiale janë shpërndarë në gjithë botën përmes rrjeteve sociale.