Në Bruksel ka filluar një darke pune midis kryeministrit të Kosovës Isa Mustafa dhe atij të Serbisë, Aleksandër Vuçiq, që ndërmjetësohet nga Bashkimi Evropian.
Burime nga BE-ja thonë se kjo darkë punë nuk paraqet raund klasik të bisedimeve, në kuadër të dialogut për normalizimin e raporteve ndërmjet Kosovës dhe Serbisë.
Takimi është thirrur javën e kaluar nga shefja e politikës së jashtme të Bashkimit Evropian, Federica Mogherini, e cila edhe ndërmjetëson bisedimet midis Kosovës dhe Serbisë për normalizimin e marrëdhënieve.
Takimi i sotëm ka për qëllim të shqyrtojë përparimin e dialogut mes palëve dhe rrugën përpara, ka thënë Bashkimi Evropian.