Nga një eksplodim afër apo në një stacion të metros së Stambollit janë lënduar disa vetë, kanë raportuar mediat turke.
Shkaku i eksplodimit është i panjohur, ndërsa i gjithë sistemi i hekurudhës nëntokësore është mbyllur për shkak të shpërthimit në stacionin Bajrampasha, në qendër të qytetit.
Agjencia shtetërore e lajmeve, Anadolu, raportoi se eksplodimi ka ndodhur në një mbikalim afër stacionit, e jo në stacion.
Në vendin e ngjarjes janë parë makinat e emergjencës.
Administrata e qytetit të Stambollit tha se eksplodimi ka mundur të shkakohet nga transformatori elektrik.
Stambolli është qyteti më i madh në Turqi, me afro 15 milionë banorë.