Fadil Vokrri përgjigjet në pyetjet tuaja

Komisioni disiplinor ka mjaft dënime, të cilat i ka shqiptuar dhe ato respektohen. Që nga fillimi i këtij sezoni, janë filluar 10 ndeshje në “Raiffeisen”- superligën e Kosovës dhe ne ende nuk e kemi ndonjë problem të madh në këto gara. I respektojmë rregulloret dhe këto dënimet që shqiptohen; nuk shqiptohen në letër, por ato respektohen.

Faleminderit. Për formimin e kësaj lige, sigurisht që duhet plotësuar disa kritere.

Sigurisht që keni të drejtë dhe unë jam duke u angazhuar maksimalisht. Më shumë jam jashtë në lobim e sipër, sesa këtu në Kosovë. Duhet vazhduar me atë, mirëpo kjo është, të thuhet troç, çështje politike. Unë kam pasur shumë intervista edhe me gazetarë të huaj dhe sigurisht se deri diku, nuk them se janë 100 për qind të njohur me situatën e futbollit në Kosovë, mirëpo janë të informuar mjaft me këto 5-6 muaj sa kemi pasur mundësi të lobojmë në Evropë. Këto shtete që i kemi kaluar, na kanë premtuar mbështetje të padiskutueshme, për shembull Maqedonia, Mali i Zi, Kroacia, Turqia, Luksemburgu, Gjermania, Sllovenia. Në federatat e këtyre shteteve kemi qenë shumë të mirëpritur dhe na kanë premtuar ndihmë në çdo segment, derisa të pranohemi në instanca ndërkombëtare. Pra, mendoj se në këtë drejtim kemi bërë mjaft, me mundësitë tona, sepse sigurisht që disa shtete që nuk na kanë pranuar si shtet, hezitojnë të na pranojnë neve edhe në vizita nëpër federata, sepse edhe ajo është në statusin e FIFA-s, që një federatë e pranuar ndërkombëtarisht në FIFA dhe UEFA, nuk ka të drejtë kontakti me një federatë të papranuar aty. Edhe me disa të tjera kemi kontaktuar, mirëpo jashtë federatës, domethënë jozyrtare. Ne po bëjmë çmos që sa më shpejt të pranohemi, mirëpo unë mendoj se kjo është pyetje politike, e cila pritet të relaksohet me pranimin e më shumë shteteve. Unë shpresoj se kjo do të arrijë në një kohë shumë të shkurtër.

Ne i kemi dy stadiume, të cilat me pak investime, janë të gatshme që në to të luhen ndeshje ndërkombëtare. Domethënë, është stacioni në Prishtinë dhe në Mitrovicë. Kështu që duke shikuar edhe infrastrukturën në rajon, nuk jemi aq keq. Në Podgoricë dhe Budvë (Mali të Zi) e kanë një terren ku luan reprezentacioni i të rinjve, pastaj në Shkup është Shkupi dhe Prilepi, që i plotësojnë kushtet; të tjerat stadiume nuk i plotësojnë. Kështu që edhe ne i kemi dy dhe me pak investime, pas pranimit, sigurisht që edhe UEFA do të na ndihmojë në atë drejtim, sepse kanë fonde për shtete të pazhvilluara. Dhe, mendoj që ne atë nuk do ta kemi problem. Neve na mungojnë më shumë terrenet ndihmëse për stërvitje të klubeve; aty çalojmë mjaft, sepse shumë pak klube kanë terrene ndihmëse. Kur ke terrene ndihmëse, zhvillon aktivitetet ditore aty dhe fusha kryesore ruhet dhe është në gjendje më të mirë.

Faleminderit, edhe unë ju përshëndes.

Ne i kemi pasur edhe ndeshjet e aranzhuara me kombëtare të huaja, por FIFA i ka ndaluar ato momentalisht. Sipas një neni në statusin e tyre, thuhet qartë se një shtet nuk ka të drejtë të zhvillojë ndeshje më një shtet që nuk është i pranuar. Edhe pse ne e kemi marrë pëlqimin e shteteve të huaja, FIFA atë e ka ndaluar. Tash iu jemi kthyer klubeve evropiane, veç e kemi të aranzhuar një ndeshje më 3 dhjetor, me Ksamoksin në Zvicër.

Ke të drejtë që ne kemi kaluar periudha të vështira, të cilat kanë lënë gjurmë negative në zhvillimin e futbollit. Mirëpo, duke marrë parasysh garat e fundit, Shqipëria kurrë nuk ka pasur aq pikë sa në dy kampionatet eliminatore të fundit. Kështu që është bërë një progres sado i vogël. Duke marrë parasysh që 5-6 futbollistë kosovarë gjenden në kombëtaren e Shqipërisë, disa të tjerë që janë në avancim e sipër nëpër klubet e tyre evropiane, mendoj se mund ta bëjmë një kombëtare mjaft të mirë, ndoshta jo edhe për t’u kualifikuar menjëherë, mirëpo është një perspektivë e mirë e futbollit të Kosovës.

Pyetje shumë e vështirë. 20 vjetët e fundit ka pasur mjaft. Ma merr mendja që trajneri më i mirë, sidomos në 10 vjetët e fundit, është Arsen Venger, trajneri i Arsenalit. Është vështirë të krahasohen, meqenëse Arsenali gjithnjë e ka ekipin e ripërtërirë dhe nuk e ka buxhetin e një Mançesteri, e një Reali, ose një Çelsi. Domethënë, nuk e ka buxhetin as përafërsisht me këta tre gjigantë. Edhe pse nuk e ka buxhetin, me lojtarë pak më të paafirmuar, ai arrin gjithnjë sukses të gjendet në çdo garë evropiane, është bërë edhe kampion dhe kjo është meritë e trajnerit. E futbollistë ka pasur shumë, Maradona..., nuk mund të përcaktohem.

Ne jemi në pritje dhe shpresojmë që shumë shpejt do të anëtarësohemi dhe pastaj do të hapen rrugët.