Si të dëgjoni

Radio Evropa e Lirë transmeton në 28 gjuhë. Shumica e programeve tona janë në dispozicion në frekuencat FM dhe në valë të mesme të stacioneve të radiove lokale në vendet ku ne transmetojmë. Nëse nuk mund t’i dëgjoni programet në internet, ju lutem lexoni dokumentin tonë për ndihmë teknike.


E dielë, gusht 31, 2014 Kosova 08:15

12 aktivistët e të drejtave të njeriut 2012

Postuar më 04.12.2012

Avokatët e të drejtave të njeriut kanë pasur një vit të ngjeshur në mbrojtjen e të drejtave dhe lirive themelore në mes të konflikteve të armatosura, goditjes qeveritare dhe ligjeve represive të reja. Nga Irani në Bjellorusi, Pakistani dhe Kina, shërbimi qendror i Radios Evropa e Lirë sjell profilet e disa nga mbrojtësit më të zëshëm të të drejtave të njeriut dhe demokracisë për vitin 2012.

1

Aung San Suu Kyi, politikane e opozitës, në Birmani. Aung San Suu Kyi e udhëhoqi lëvizjen pro-demokracisë në Birmani për më shumë se dy dekada. Ajo kaloi një total prej 15 vjetësh nën arrest shtëpiak, mes viteve  1989 - 2010. Ajo fitoi një vend në parlament gjatë këtij viti, pas reformave të paraqitura nga sundimtarët ushtarakë të Birmanisë. Në nëntor, atë e vizitoi në shtëpinë e saj presidenti amerikan, Barack Obama, gjatë vizitës së tij historike në Birmani. Për fushatën e saj tëpalodhshme për demokraci, fitoi çmime të shumta të saj, duke përfshirë edhe Çmimin Nobel të Paqes 1991.

2

Chen Guangcheng (12 nëntor 1971) është aktivist kinez, që ka punuar në çështjet e të drejtave të njeriut në Kinë. I verbër që nga  mosha e re, Chen është përshkruar shpesh si një "avokat", i cili mbron të drejtat e grave dhe mirëqenien e të varfërve. Ai është i njohur për publikimin e dyshimeve për abuzime në familje, praktikat e planifikimit familjar, pretendimet për dhunë dhe abortet e detyruara. Pas 4 vjetësh, Chen u arratis nga arresti shtëpiak në prill 2012 dhe kërkoi strehim në ambasadën amerikane në Pekin. Muaj më pas, ai emigroi në SHBA me gruan e tij dhe dy vajzat.

3

 
Ales Byalyatski, kreu i opozitës në Bjellorusi, aktualisht është duke vuajtur një dënim katër vjet e gjysmë në burg. Akuzat për evazion fiskal të ngritura kundër tij, u dënuan në Perëndim si të motivuara politikisht. Byalyatski themeloi lëvizjen e parë pro-demokracisë dhe kryeson grupin më me ndikim për të drejtat e njeriut, Viasna Human Rights Center. Ai u kandidua për Çmimin Saharov 2012.

4

 
Nasrin Sotoudeh, avokate e të drejtave të njeriut, Iran. Ka mbrojtur aktivisht të burgosurit e opozitës, gra dhe të mitur që përballen me dënimin me vdekje. Ajo është aktualisht duke vuajtur një dënim gjashtë-vjeçar nën akuzat për përhapje të propagandës dhe konspiracion të dëmtojë sigurinë e shtetit. Ajo ishte një nga marrësit për Çmimin Saharov 2012, për lirinë e mendimit.

5

 Ai Weiwei, artist dhe veprimtar politik në Kinë. Artisti vizuel i njohur ndërkombëtarisht dhe disenjator, që ndihmoi dizajnin e stadiumit "Zogut fole" për Lojrat Olimpike 2008, ka zemëruar autoritetet kineze me kritikat e tij ndaj qeverisë për korrupsion. Ai u arrestua për gati tre muaj vitin e kaluar nën akuzat për krim ekonomik dhe u lirua me kaucion. Byroja e Tatimit në Pekini ka kërkuar që ai të paguajë 15 milionë juan ($ 2.400.000) në taksa dhe gjoba.
 

6

"Bolotnaya" protestues opozitarë, Rusi. Një i burgosur dhe 17 në paraburgim paraprak ose arrest shtëpiak.  "Bolotnaya" protestuesit, janë emëruar sipas sheshit ku ata ishin paraburgosur më 6 maj gjatë një tubim të opozitës në Moskë, që shpërtheu në përleshjet me policinë kundër trazirave. Hetuesit thonë se 18 demonstrues nxitwn "çrregullime në masë" dhe sulmuan zyrtarët e policisë. Ata përballen me deri në 10 vjet burg. Një i pandehur, Mikhail Kostenko, vuan nga një çrregullim mendor pas një traume të pësuar gjatë shërbimit të tij ushtarak. " Bolotnaya" protestuesit janë parë si një simbol i rezistencës ndaj mospajtimit me Kremlinin.

7

Peter Bouckaert, drejtor i emergjencave në Human Rights Watch, Shtetet e Bashkuara. Peter Bouckaert ka qenë në krye të përpjekjeve për të zbuluar shkeljen e drejtave të njeriut në konfliktin e përhapur nw rajon. Këtë vit, HRW publikoi një raport, i cili dokumenton ekzekutimin në masë të anëtarëve të karvanit libian tw diktatorit Muamar Gadafi, nga militantët rebelë. Raporti, bazuar në faktet e mbledhura të Bouckaertit, thotë se milicitë e opozitës kanë ekzekutuar të paktën 66 anëtarë të kapur nga konvoji i Qaddafit në Sirte, që në bazë të ligjeve të luftës, vrasja e luftëtarëve të kapur është krim lufte.

8

Denis Mukwege, mjek,  Kongo. Shërohet nga sulmi.  Mukwege, një kirurg gjinekologjik dhe në të kaluarën i dominuar për Çmimin Nobel të Paqes, drejton një spital për trajtimin e viktimave të dhunës seksuale nga konflikti i zgjatur në Kongo. Në tetor, persona të armatosur hynë në shtëpinë e tij, fëmijët e tij i kërcënuan me armë dhe vranë një roje të sigurisë para se ta qëllonin Mukwegen. “Amnesty International” atentatin e cilësoi si "mizor". Dr Mukwege dhe familja e tij kanë qenë për shërim nga sulmi jashtë vendit.

9

Kreu i opozitës në Kazakistan Vladimir Kozlov. I burgosur.  Kritik i ashpër i presidentit Nursulltan Nazarbaev, u dënua me shtatë vjet e gjysmë burg në muajin tetor nën akuzat për përpjekje për të përmbysur qeverinë gjatë trazirave vdekjeprurëse nga punëtorët grevistë të naftës në qytetin Zhanaozen. Bashkësia ndërkombëtare e ka dënuar burgosjen e tij dhe “HRË” e ka përshkruar atë si "një goditje për lirinë e shprehjes dhe pluralizmin politik" në një vend të Azisë Qendrore.

10

Malala Yousafzai, aktiviste e të drejtave për arsim, Pakistan. Shërohet nga sulmi. Nxënësja 14-vjeçare është e njohur për punën e saj të guximshme në promovimin e të drejtave të fëmijëve dhe edukimin e vajzave në Pakistan saj. Në tetor, ajo u qëllua në qafë dhe në kokë nga militantët talebanë teksa po kthehej nga shkolla në Sëat. Aktualisht, ajo po shërohet në një spital në Britani.

11

Idrak Abbasov, gazetar, Azerbajxhan. Abbasov u shtrua në spital në prill pasi u rrah egërsisht nga rreth 20 policë dhe personel i sigurisë nga kompania energjitike shtetërore SOCAR. Ai kishte filmuar shkatërrimin e shtëpive nga SOCAR, në rrethinat e Bakus. Organizatat për Siguri dhe Bashkëpunim në Evropë (OSBE), e dënoi sulmin. Abbasov shkruan për gazetën "Zerkalo", një nga degët e disa mediave të pavarura në Azerbajxhanin autoritar, dhe themeloi Institutin për Lirinë dhe Sigurinë e gazetarëve (IRFS). Në mars, ai mori një çmim për raportimin e tij nga gazeta mbi censurën.

12

Pussy Riot, aktivistet opozitare, Rusi. Dy anëtare të burgosura, një e liruar. Femra disidente të punk-grupit që nxiti zemërimin e autoriteteve ruse në shkurt, kur ato bënë një këngë kritike ndaj Vladimir Putinit, në Katedralen më të madhe ruse të Moskës ortodokse. Tri anëtare të “Pussy Riot” - Nadezhda Tolokonnikova, Maria Alyokhina, dhe Yekaterina - Samutsevich u dënuan për huliganizmin e motivuar nga urrejtja fetare dhe u dënuan me dy vjet burg secila. Ky vendim shkaktoi zemërim ndërkombëtar. Samutsevich u lirua më vonë. Treshja ishte në mesin e finalistëve për Çmimin Saharov 2012.