Migrantët hyjnë në Maqedoni

Mijëra migrantë kaluan kufirin të papenguar nga Greqia në Maqedoni, të dielën më 23 gusht, pasi forcat e sigurisë u dorëzuan nga përpjekjet për të ndaluar fluksin e migrantëve, të cilët po shfrytëzojnë Ballkanin për të depërtuar në Evropën Perëndimore. Maqedonia shpalli gjendje të jashtëzakonshme më 19 gusht, dhe bllokoi kufirin e vet jugor për migrantët, numri i të cilëve ka arritur rreth 2 mijë për një ditë, që kalojnë për në Serbi, pastaj në Hungari dhe vende tjera të Bashkimit Evropian.