Ura qëndrore mbi lumin Ibër në Mitrovicë do të rihapet nesër për qarkullim të plotë, ka njoftuar zëdhënësi I policisë së Kombeve të Bashkuara në këtë qytet, Larry Miller. Ky vendim pason bisedimet e zëvendës shefit të administratës ndërkombëtare, Steven Schook me përfaqësuesit politik të të dyja komuniteteve në Mitrovicë. Ura është mbyllur të hënën pasdite, vetëm disa orë pasi ishte rihapur, pas një përplasjeje ndërmjet disa të rinjëve shqiptarë dhe atyre serbë. Vendimi për rihapjen e urës përkon me vizitën e nesërme në Mitrovicë të ndihmës sekretarit amerikan për Evropën dhe Euroazinë, Daniel Fried.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
