"Bashkimi Evropian nuk do t'i rifilloi bisedimet e pezulluara për bashkëpunim me Serbinë, derisa kjo e fundit nuk ka shënuar progres në arrestimin e të akuzuarit të Hagës Ratko Mlladiç", bëri të ditur sot komisioneri evropian për Zgjerim Oli Rehn pas takimit me kryeprokurorën e Tribunalit të Hagës Karla Del Ponte në Helsinki. Rehn shtoi se, BE-ja do të merr një vendim formal rreth kësaj çështjeje pas misionit fakt-mbledhës të Del Pontes në Beograd javën e ardhshme.
