Delegacioni i Kongresit të Shteteve të Bashkuara, i përbërë nga David Dreier, Lois Capps, David Price dhe Earl Pomeroy, është takuar sot në Prishtinë me kryeministrin e Kosovës, Agim Çeku dhe me zëvendës kryeadministratorin, Steven Schook. Kongresisti Dreier tha se gjatë këtyre takimeve delegacioni ka shprehur "besimin se zgjidhja për statusin do të arrihet në fillim të vitit të ardhshëm dhe se ajo duhet të jetë një zgjidhje që e meriton populli i Kosovës". Gjatë ditës, delegacioni do ti vizitoj edhe trupat amerikane në përbërje të KFOR-it për të shënuar Ditën e Falënderimeve, që festohet sot.
