Presidenti amerikan, George Bush dhe kryeministri i Irakut, Nuri al-Maliki kanë arritur ndaras në Aman për samitin tripalësh me mbretin e Jordanisë, Abdullah. Por, nuk është e qartë se kur do të mbahet takimi, pasi raportohet se takimi i paraparë për sonte është shtyrë për nesër. Më herët gjatë ditës, blloku politik i klerikut radikal shiit, Moqtada al-Sadr është kërcënuar se do ta suspendoj pjesëmarrjen në qeverinë e Irakut në shenjë proteste ndaj takimit George Bush – Nuri al-Maliki.
