Shefi i Misionit të Kombeve të Bashkuara në Kosovë, Soren Jesen Petersen ka deklaruar se zgjidhja e çështjes së Kosovës është me inters për gjithë rajonin, ndërkohë që sipas tij, edhe Beogradi do ta ketë vendin e tij në diskutimet për statusin përfundimtar të Kosovës. Këto deklarata zoti Petersen i ka bërë në aeroportin e Prishtinës më t’u kthyer nga një udhëtim në Evropë dhe në Shtetet e Bashkuara të Amerikës. Ai gjithashtu tha se UNMIK-u është i gatshëm të vazhdojë dialogun me Beogradin për çështjen e të zhdukurve, për energjinë dhe për rindërtimin.
