Sekretari i Përgjithshëm i Organizatës së Kombeve të Bashkuara, Kofi Anan tha se të korruptuarit në programin "nafta për ushqim" gjatë sundimit të Hyseinit në Irak, do të dënohen. "Jemi të përcaktuar, ashtu si çdokush, që këtë çështje ta zgjidhim plotësisht. Nuk duam që mbi Kombet e Bashkuara të qëndrojë një hije e tillë", tha Anan. Sipas hetimeve, ish regjimi i Hyseinit u ka paguar qindra milionë dollarë disa zyrtarëve të Kombeve të Bashkuara në shkëmbim të së drejtës për shitjen e naftës, gjatë kohës së sanksioneve tregtare.
