Nga Iraku sot raportohet për dy sulme të ndara në dy qytete. Sipas policisë, një person vetëvrasës me makinë bombë sulmoi stacionin e policisë në qytetin Mosul, duke vrarë së paku 11 irakianë. Është thënë se makina shpërtheu jashtë selisë së policisë. Një tjetër makinë bombë ka eksploduar jashtë stacionit të policisë në qytetin Bakuba, që është në verilindje të Bagdadit. Zyrtarë spitalorë kanë thënë se së paku 8 persona janë vrarë nga ky sulm. Nuk ishte e qartë se a ishte ky sulm vetëvrasës apo jo. Prej zhvillimeve të tjera në Irak, veçojmë lajmin se ushria e Shteteve të Bashkuara ka përgënjeshtruar raportin, në të cilin thuhej se në përleshje me kryengritës gjatë sulmit në stacionin e policisë në Mahawil, në jug të Bagdadit, ishin vrarë policë dhe kryengritës. Ushtria amerikane ka thënë se në Mahawil nuk ka pasur përleshje.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
