Sekretarja amerikane e Shtetit Condoleezza Rice u takua sot në Bruksel me zyrtarët më të lartë të NATO-s. Ajo tha se me aletatët evropian brenda NATO-s do të vazhdojnë angazhimin për të kryer punën e mbetur në Kosovë. Ndërkaq, Sekretari i Përgjithshëm i NATO-s, Jaap De Hoop Skefer tha se në këtë takim është diskutuar në mënyrë të posaçme për Kosovën dhe të ardhmen politike të saj. Sipas tij, brenda NATO-s, ka konsensus të plotë për mbajtjen e nivelit të tanishëm të forcave të KFOR-it, pasi ky është vit i rëndësishëm për Kosovën.
