Opozita në Liban po vazhdon protestat edhe pas dorëheqjes së kryeministrit, Omar Karami. Paralajmërohet se ato do të zgjasin deri në tërheqjen e trupave të Sirisë nga Libani. Opozita ka fajësuar qeveritë e Libanit dhe Sirisë për përfshirje në vrasjen e ish kryeministrit Rafik Hariri. Ndryshe, Sekretarja amerikane e Shtetit, Condoleezza Rice tha se Uashingtoni është i gatshëm të mbështes zgjedhjet e lira në Liban. "Ngjarjet në Liban kanë marrë kahje të rëndësishme. Njerëzit kanë filluar të shfaqin hapur aspiratat për demokraci, pa ndonjë ndërhyrje nga jashtë" tha Sekretarja amerikane, Rice.