Kryeministri i Izraelit Ariel Sharon tha se refuzimi i Presidentit të Autoritetit Palestinez për të luftuar kryengritësit, mund të rrezikojë përpjekjet për paqe në rajon. "Izraeli do të ofrojë të gjitha mundësitë për liderin Mahmoud Abbaz, por ai duhet të fillojë të asgjësojë organizatat terroriste" tha Sharon. Sipas tij, vendimi i Abbasit për mos shkatërrimin e grupeve militante do të ndikojë në forcimin e tyre. Izraeli ka ngrirë raportet me palestinezët pas sulmit të 25 shkurtit në Tel Aviv, ku humbën jetën 5 persona.
