Sekretarja amerikane e Shtetit, Condoleezza Rice fillon sot turneun një javor në Azi. Fillimisht ajo do të qëndrojë në Nju Delhi, mirëpo për shkaqe sigurie Shtetet e Bashkuara nuk kanë dhënë detaje tjera. Rice do të vizitojë edhe Pakistanin, Afganistanin, Japoninë, Korenë Jugore dhe Kinën. Raportet ndërmjet Pakistanit dhe Indisë, rindërtimi i Afganistanit dhe mënyrat e vazhdimit të bisedimeve gjashtëpalëshe rreth programeve bërthamore të Koresë Veriore, sipas Departamentit të Shtetit, do të jenë temat kryesore në takimet e saj me zyrtarët në Azi.
