Komisioni presidencial tha se dështimet e shërbimeve informative të Shteteve të Bashkuara, të paraqitura në rastin e Irakut "ende janë shumë të zakonshme". Në raportin e sotëm, komisioni tha se gjykimet e agjencive informative për armët irakiane të shkatërrimit në masë, në të shumtën e rasteve kanë qenë "plotësisht të gabueshme". Komisioni është themeluar nga presidenti Bush, para një viti, për të zbuluar se përse shërbimet informative kishin vlerësuar gabimisht se Iraku ka armë të shkatërrimit në masë.
