Zijadin Gashi, Prishtinë
Përfaqësuesit politikë të komunitetit serb në Kosovë, kanë pikëpamje të ndryshme në lidhje me përfaqësimin e tyre në diskutimet e ardhshme për zgjidhjen e statusit të Kosovës. Subjektet politike serbe që kanë marë pjesë në zgjedhjet e lira, e shohin pjesëmarrjen e tyre në diskutimet rreth statusit si të domosdoshme. Kurse ata të këshillave nacionale serbe, që në Kosovë më tepër identifikohen dhe me strukturat paralele, procesin e zgjidhjes së statusit e shohin si një të drejtë ekskluzive të Beogradit. Oliver Ivanoviq, lider i Listës Serbe për Kosovën e Metohinë, thotë se pjesëmarrja e serbëve të Kosovës në diskutimet për statusin është mëse e domosdoshme:
“Gjithsesi që duhet të marrin pjesë, pasi bëhet fjalë për fatin tonë. Pjesëmarrja jonë sigurisht se kontribuon në cilësinë e marrëveshjes, pasi ne e dimë saktësisht se cili është problemi ynë, kurse sa u përket çështjeve të mëdha shtetërore, ato janë përgjegjësi për të cilat mund të vendosë vetëm Beogradi”, thotë Ivanoviq.
Ndërkohë që Ministri për Kthim dhe Komunitete, Sllavisha Petkoviq, kryetar i Partisë Demokratike Serbe të Kosovës, thotë se do të kërkojë një rol aktiv të përfaqësuesve të bashkësisë serbe në procesin e diskutimeve mbi statusin:
“Ne do të kërkojmë që të jemi pjesë e delegacionit të Beogradit. Nëse Beogradi këtë nuk e pranon do të insistojmë që atje të ketë tre delegacione, do të thotë ajo shqiptare, serbe dhe delegacioni i serbëve të Kosovës”, tha Petkoviq.
Në anën tjetër Marko Jakshiq, nga Këshilli Nacional Serb, që në aktivitetin e vet karakterizohet dhe me thirrjet e vazhdueshme për serbët e Kosovës që t’i bojkotojnë institucionet vendore, thotë se vetëm Beogradi është ai që mund të bisedojë për statusin e Kosovës:
“Beogradi është ai që vendos nëse në delegacion duhet të jenë të përfaqësuar apo jo edhe serbët e Kosovës”, thotë Jakshiq, duke e parë çështjen e Kosovës si një përgjegjësi ekskluzive të Beogradit.
Ndërkaq sipas Dragisha Kërstoviqit, nga Lista Serbe, dallimet aktuale të përfaqësuesve serb, mund të tejkalohen pasi zgjidhja e statusit të Kosovës, thotë ai, është jetike edhe për vetë këtë komunitet:
"Unë megjithatë shpresoj se do të ketë njëfarë uniteti dhe do të kemi një qëndrim të përbashkët, të paktën për sa i përket statusit të Kosovës”, tha Kërstoviq.
Ndërsa Oliver Ivanoviq, po nga Lista Serbe, mendon se diskutimet mbi statusin mund të kalojnë nëpër tre faza. Faza e parë ajo e bisedimeve shqiptaro-serbe, deri në gjetjen e ndonjë kompromisi, faza e dytë kur shqiptarët dhe serbët në kuadër të institucioneve të Kosovës do të bisedonin me Beogradin dhe faza e tretë, sipas tij, ajo e diskutimeve ndërmjet Beogradit dhe UNMIK-ut, pasi institucionet e Kosovës, sipas Ivanoviqit, nuk kanë kompetenca që të diskutojnë në lidhje me këtë çështje.
Sidoqoftë, drejtuesit e institucioneve të Kosovës, që vijnë nga shumica, mendojnë se zgjidhja më e mirë, do të ishte sikur bashkësia ndërkombëtare të njihte përcaktimin e popullatës shumicë, duke i parë diskutimet për statusin më tepër si një çështje formale. Ndërkaq shefi i UNMIK-ut, Soren Jessen Petersen ka pohuar disa herë se diskutimet për statusin e Kosovës pritet të fillojnë diku në vjeshtën e këtij viti.
Përfaqësuesit politikë të komunitetit serb në Kosovë, kanë pikëpamje të ndryshme në lidhje me përfaqësimin e tyre në diskutimet e ardhshme për zgjidhjen e statusit të Kosovës. Subjektet politike serbe që kanë marë pjesë në zgjedhjet e lira, e shohin pjesëmarrjen e tyre në diskutimet rreth statusit si të domosdoshme. Kurse ata të këshillave nacionale serbe, që në Kosovë më tepër identifikohen dhe me strukturat paralele, procesin e zgjidhjes së statusit e shohin si një të drejtë ekskluzive të Beogradit. Oliver Ivanoviq, lider i Listës Serbe për Kosovën e Metohinë, thotë se pjesëmarrja e serbëve të Kosovës në diskutimet për statusin është mëse e domosdoshme:
“Gjithsesi që duhet të marrin pjesë, pasi bëhet fjalë për fatin tonë. Pjesëmarrja jonë sigurisht se kontribuon në cilësinë e marrëveshjes, pasi ne e dimë saktësisht se cili është problemi ynë, kurse sa u përket çështjeve të mëdha shtetërore, ato janë përgjegjësi për të cilat mund të vendosë vetëm Beogradi”, thotë Ivanoviq.
Ndërkohë që Ministri për Kthim dhe Komunitete, Sllavisha Petkoviq, kryetar i Partisë Demokratike Serbe të Kosovës, thotë se do të kërkojë një rol aktiv të përfaqësuesve të bashkësisë serbe në procesin e diskutimeve mbi statusin:
“Ne do të kërkojmë që të jemi pjesë e delegacionit të Beogradit. Nëse Beogradi këtë nuk e pranon do të insistojmë që atje të ketë tre delegacione, do të thotë ajo shqiptare, serbe dhe delegacioni i serbëve të Kosovës”, tha Petkoviq.
Në anën tjetër Marko Jakshiq, nga Këshilli Nacional Serb, që në aktivitetin e vet karakterizohet dhe me thirrjet e vazhdueshme për serbët e Kosovës që t’i bojkotojnë institucionet vendore, thotë se vetëm Beogradi është ai që mund të bisedojë për statusin e Kosovës:
“Beogradi është ai që vendos nëse në delegacion duhet të jenë të përfaqësuar apo jo edhe serbët e Kosovës”, thotë Jakshiq, duke e parë çështjen e Kosovës si një përgjegjësi ekskluzive të Beogradit.
Ndërkaq sipas Dragisha Kërstoviqit, nga Lista Serbe, dallimet aktuale të përfaqësuesve serb, mund të tejkalohen pasi zgjidhja e statusit të Kosovës, thotë ai, është jetike edhe për vetë këtë komunitet:
"Unë megjithatë shpresoj se do të ketë njëfarë uniteti dhe do të kemi një qëndrim të përbashkët, të paktën për sa i përket statusit të Kosovës”, tha Kërstoviq.
Ndërsa Oliver Ivanoviq, po nga Lista Serbe, mendon se diskutimet mbi statusin mund të kalojnë nëpër tre faza. Faza e parë ajo e bisedimeve shqiptaro-serbe, deri në gjetjen e ndonjë kompromisi, faza e dytë kur shqiptarët dhe serbët në kuadër të institucioneve të Kosovës do të bisedonin me Beogradin dhe faza e tretë, sipas tij, ajo e diskutimeve ndërmjet Beogradit dhe UNMIK-ut, pasi institucionet e Kosovës, sipas Ivanoviqit, nuk kanë kompetenca që të diskutojnë në lidhje me këtë çështje.
Sidoqoftë, drejtuesit e institucioneve të Kosovës, që vijnë nga shumica, mendojnë se zgjidhja më e mirë, do të ishte sikur bashkësia ndërkombëtare të njihte përcaktimin e popullatës shumicë, duke i parë diskutimet për statusin më tepër si një çështje formale. Ndërkaq shefi i UNMIK-ut, Soren Jessen Petersen ka pohuar disa herë se diskutimet për statusin e Kosovës pritet të fillojnë diku në vjeshtën e këtij viti.