Bashkimi Evropian tha se po finalizon planin për mbajtjen e një konference për rindërtimin e Irakut. Sipas ministrit të jashtëm të Luksemburgut, njëherit kryesuesit të radhës të Bashkimit Evropian, Jean Asselborn, në konferencë do të marrin pjesë edhe udhëheqësit kryesor nga Iraku dhe Shtetet e Bashkuara. Asselborn i bëri këto komente në takimin joformal të ministrave të jashtëm të 25 vendeve anëtare të Unionit, që po mbahet në Luksemburg.
