Avokatët e ish kryeministrit të Kosovës, Ramush Haradinaj i kanë bërë kërkesë Tribunalit të Hagës për krime të luftës, që zoti Haradinaj të mbrohet në liri. Koordinatori i ekipit të mbrojtësve, Michael O'Railly ka kumtuar sot se Prokuroria e Tribunalit brenda 14 ditësh duhet ti përgjigjet kësaj kërkese. Pas kësaj përgjigjje, pritet që Gjykata e Hagës të marrë vendim. Në paraqitjen e tij të parë në Gjykatën e Hagës, Ramush Haradinaj ka deklaruar se nuk ndjehet fajtor lidhur me akuzat e Tribunalit.
