Një Gjykatë në Bullgari ka urdhëruar sot lirimin e oficerit të lartë serb, Çedomir Brankoviq, i dyshuar për krime lufte në Kroaci. Gjykata tha se Brankoviq, i cili e ka vizituar Bullgarinë në kuadër të një delegacioni ushtarak serb, gëzon imunitet diplomatik, dhe sipas Konventës së Vjenës mbi Marrëdhëniet Diplomatike, ai nuk mund të mbahet. Brankoviq ishte arrestuar të martën, në bazë të një urdhëri të lëshuar nga Interpoli, me kërkesë të Kroacisë.
