Presidenti i Tajvanit, Chen Shiu-bian ka ftuar sot Kinën që ti hapë negociatat me qeverinë tajvaneze. Kjo deklaratë u bë dy ditë pasi lideri opozitar tajvanez, Lien Chan, nga partia nacionaliste Kuomintang u takua me presidentin e Kinës në Pekin, me ç'rast është raportuar për pajtueshmëri për promovimin e paqes dhe të lidhjeve ekonomike ndërmjet Kinës e Tajvanit. Ky ishte takimi i nivelit më të lartë ndërmjet përfaqësuesve të Partisë Komuniste të Kinës dhe të partisë Kuomintang prej se nacionalistët ishin përmbysur nga komunistët në vitin 1949 dhe ishin vendosur në Tajvan.
