Nga një shpërthim i një makine – bombë afër një restoranti në Bagdad janë vrarë dhe plagosur disa njerëz. Sipas disa raporteve në këtë sulm është vrarë një person ndërsa më se 50 janë plagosur. Por, ka edhe raporte sipas të cilave numri i të vrarëve është më i lartë. Më herët gjatë ditës, kryengritësit e vranë një zyrtar të lartë të sigurisë kombëtare të Irakut, deri sa ai po shkonte në zyrën e tij në Bagdad. Gjatë këtij sulmi u vra edhe shoferi i tij.
