Një ekip ushtarak i Kombeve të Bashkuara ka verifikuar mbrëmë vonë tërheqjen e trupave të Sirisë nga Libani. Por, ky ekip ka kumtuar se nuk është i sigurt se operativistët e agjencive të zbulimit të Sirisë janë larguar nga Libani. Këtë raport sekretari i përgjithshëm i Kombeve të Bashkuara, Kofi Annan e vlerësoi pozitivisht. Por, duket se Siria nga ky raport ka pritur më tepër.
