I dërguari i posaçëm i Sekretarit të Përgjithshëm të Kombeve të Bashkuara, Kofi Anann, ambasadori norvegjez në NATO, Kai Eide, ka përfunduar sot qëndrimin e tij të parë treditësh në Kosovë, dhe është nisur për në Beograd. Ai tha se kishte fituar përshtypjet e para të mira dhe kishte arritur t’i identifikonte çështjet kryesore në të cilat duhet mbështetet kur të kthehet sërish në fillim të korrikut. "Duhet të them se këto tri ditë ishin të dobishme dhe na krijuan një përshtypje të parë të mirë dhe bazë të mirë për të vazhduar kur të kthehemi", tha zoti Eide.
